Роден на 3 октомври 1985 година во Битола - Македонија, мојата најголема љубов е да бидам на теренот, облечен во ракометниот голмански дрес,
и преку моите виртуозни одбрани и асистенции со играчите и со тимот да придонесувам за заедничкиот успех.
Секогаш настојувам да го негувам спортскиот дух, како на теренот така и во моето опкружување.
Повикот во репрезентацијата за мене е секогаш на прво место — црвено-жолтите бои се симбол на гордост, пожртвуваност и постојана мотивација.
Тоа што окото не може да види, статистиката ни го носи јасно
Во последните децении, ракометот се разви во спорт во кој науката и технологијата се интегрален дел од врвниот перформанс.
Јас постојано ги следам и анализирам и научните и практичните пристапи, разгледувајќи ја нивната иновативна примена во играта.
Иако резултатите од овие напори понекогаш можат да изгледаат минимални и не се веднаш очигледни, тие значајно придонесуваат за мојот личен развој како ракометар.
Преку користење на современа технологија, овие подобрувања стануваат мерливи и видливи.
Редовно вршам детални анализи пред и по тренинзите и натпреварите, што ми овозможува да ги усовршувам и прилагодувам моите перформанси според природата и важноста на секој натпревар.
Кога ми се дава шанса гледам да помогнам во тоа што е планирано од диригентот
Моето ракометно знаење и вештини мора целосно да бидат интегрирани во хармонијата на тимот,
која на крајот носи нови победи. Сепак, тактиката и стратегиите на мојата игра секогаш се водени од
тренерот, нашиот "диригент" на тимот. Одржувањето професионална усогласеност со тимот
не само што обезбедува врвни перформанси, туку создава и силни спортски и меѓучовечки односи,
подобрувајќи ја целокупната кохезија и атмосфера. За време на клучните моменти од натпреварот, големните
одлуки можат значително да влијаат врз исходот, и јас сум целосно свесен за оваа одговорност.
Ова сознание ми дава дополнителна мотивација и длабоко чувство на одговорност.
Секогаш позитивен поглед и мојата индивидуална и тимска работа помагаат да се преброди непознатото
Непознатоста секогаш ја доживувам како предизвик. Настојувам да бидам позитивен на тренинзите и на натпреварите,
без разлика дали сум фаворит или аутсајдер. Преку индивидуална работа и континуирано усогласување со тимот,
се обидувам брзо да пребродам непознатости и предизвици. Моето повеќедецениско искуство ми помага да ги решавам
непознатостите многу побрзо и на тој начин да влијаам на мојот личен и на заедничкиот успех.
Несебично придонесувам за препознатливост на мојот град Битола и мојата Македонија
Кога моето име беше напишано на јужнокорејски како 니콜라 = НИКОЛА и 미트레프스키 = МИТРЕВСКИ, почувствував голема гордост за своето потекло – мојата Битола и мојата Македонија.
Овој момент ја истакна мојата професионална посветеност и напорите што ги вложувам на теренот,
како и врската со мојот роден град, кој го сметам за вистински бренд. Многу сум горд што сум дел од овој бренд
и што мојата работа се споредува со неговите вредности.
Заедничка радост со моите фанови
Моите емоции секогаш се зголемуваат со поддршката на моите фанови, кои ми даваат посебна енергија на теренот.
За да ја оправдам таа доверба, го давам срцето во секој момент од играта и никогаш не се предавам, што сум го докажал многу пати.
Поддршката на моите фанови се чувствува и надвор од теренот – не само во мојот матичен град, туку и на места каде што не очекував дека ќе ме препознаат.
Многу сум благодарен што ме поздравуваат по име и секогаш ја чувам големата почит кон моите ракометни фанови и спортски пријатели.
